"မီလျံနာစိတ်ဓါတ် (ချမ်းသာသူ နှင့် ဆင်းရဲသူ) ကွာခြားချက်"

ချမ်းသာစေဖို့ ချမ်းသာဖို့အတွေးတွေးပါဆိုတဲ့ မီလျံနာစိတ်ဓါတ် Secrets of the Millionaire Mind တွင် ချမ်းသာသူများ၏ အတွေးနှင့် ဆင်းရဲသူများ၏ အတွေးများ၏ အတွေးနှစ်ခုကွာခြားပြီး၊ လုပ်ဆောင်ချက်တွေကွာခြားပြီး၊ ဘ၀တွေကွာခြားသွားပုံကို ပြန်လည်ဖော်ပြပေးထားပါတယ်။
ကြွယ်ဝချမ်းသာရေး သဘောတရား - အတွေးတွေက ခံစားချက်တွေဆီ ဦးဆောင်တယ်၊ ခံစားချက်တွေက လက်တွေ့လုပ်ဆောင်မှုကို ဦးဆောင်တယ်။ လက်တွေ့လုပ်ဆောင်မှုတွေက ရလဒ်ကောင်းတွေကို ဆောင်ကြဉ်းတယ်။
လူချမ်းသာတွေက “ငါ့ဘ၀ ငါဖန်တီးတာ” လို့ယုံကြည်တယ်
“ဆင်းရဲသားတွေက အခြေအနေက ဖန်တီးတာ” လို့ယုံကြည်တယ်
လွယ်တာသာလုပ်ရင် ခက်ခဲတဲ့ဘ၀နဲ့ ကြုံရမယ်
ဒါပေမဲ့ ခက်ခဲကြမ်းတမ်းတာကို လုပ်ရင်တော့ ဘ၀ဟာ လွယ်ကူချောမောသွားပါလိမ့်မယ်။
လူချမ်းသာတွေက သူတို့ရဲ့ငွေကို ကောင်းကောင်းစီမံခန့်ခွဲနိုင်တယ်။
ဆင်းရဲသားတွက သူတို့ငွေကို စီမံခန့်ခွဲမှု ညံ့တယ်။
ကြွယ်ဝချမ်းသာရေး သဘောတရား - လက်ထဲရှိထားတာကိုမှ မထိန်းနိုင်ရင် နောက်ထပ်ရမှာ မဟုတ်ပါဘူး။
ကြွယ်ဝချမ်းသာရေး သဘောတရား - ငွေကို စီမံခန့်ခွဲတဲ့ အလေ့အကျင့်ဟာ ငွေပမာဏထက် ပိုအရေးကြီးပါတယ်။
ကြွယ်ဝချမ်းသာရေး သဘောတရား - ကိုယ်ကငွေကို မထိန်းရင် ငွေက ကိုယ့်ကိုထိန်းသွားမယ်။
လူချမ်းသာတွေက ကြောက်စိတ်ရှိပေမယ့် လုပ်တယ်။
လူဆင်းရဲတွေကတော့ ကြောက်စိတ်နဲ့ နောက်ဆုတ်တယ်။
ကြွယ်ဝချမ်းသာရေး သဘောတရား - လက်တွေ့လုပ်ရပ်ဟာ (ကိုယ်တွင်းကိုယ်ဝ) အတွင်းလောကနဲ့ အပြင်လောကကြားမှာ ခင်းပေးတဲ့ တံတားပါပဲ။
လူချမ်းသာတွေက ကြီးကြီးကျယ်ကျယ် တွေးတယ်။
ဆင်းရဲသားတွေက သေးသေးနုပ်နုပ် တွေးတယ်။
ကြွယ်ဝချမ်းသာရေး သဘောတရား - ၀င်ငွေ ဥပဒေသ - သင်ဈေးကွက်ကို ပေးပို့တဲ့ တန်ဖိုးအလျောက် ပြန်ရမှာပါပဲ။

Edit - TYO

"ရွှေသားစစ်စစ် အမွေအနှစ်"

 

တစ်ချိန်တုန်းက ဂျပန်နိုင်ငံမှာ ကြွက်စီကြွက်စီ ဆူညံသွားခဲ့ရတဲ့ အမှုလေးတစ်ခုအကြောင်း ပြောချင်ပါသေးတယ်။ ဘာမဟုတ်တဲ့ အမှုအသေးအဖွဲလေးကြောင့် ကြီးမားတဲ့ ဘဝသင်ခန်းစာတစ်ခုကို တွေ့မြင်ခဲ့ရလို့ အသည်းနှလုံးထဲမှာ စွဲမှတ်ထားခဲ့မိပါတယ်။
နွေဦး ညနေခင်းလေးမှာ တိုကျိုမြို့ရဲ့ စားသောက်ဆိုင်တစ်ဆိုင်ကို ဂျပန်မိသားစုတစ်ခု ညစာ လာစားကြပါတယ်။ အဖေအမေနဲ့ သားသမီးသုံးယောက်တို့ဟာ စားသောက်ဖွယ်တွေ တစ်ပွဲပြီးတစ်ပွဲ မှာရင်း ပျော်ပျော်ရွှင်ရွှင် စားကြသောက်ကြတယ်။ နောက်ဆုံးမှာထားတဲ့ စားသောက်ပွဲကို စားနေရင်း မိခင်က အလန့်တကြားအော်တယ်။
မိခင်ရဲ့ အော်သံကြောင့် စားသောက်ဆိုင်မန်နေဂျာ အပြေးအလွှားရောက်လာတော့ ဟင်းပွဲထဲမှာ ပိုးဟပ်အသေ တွေ့လို့တဲ့။ (ဂျပန်က ပိုးဟပ်တွေဟာ မြန်မာပြည်လို အကြီးကြီးမဟုတ်ဖူး။ အကောင်သေးသေးလေးတွေပါ။) ဒီလို ပေါ့လျော့ချွတ်ယွင်းချက်ရှိလို့ စားသုံးသူက မကျေမနပ် တိုင်ပြီဆိုရင် စားထားသမျှ ကျသင့်ငွေ မယူတော့ဘဲ ဆိုင်တာဝန်ရှိသူတွေ ဦးညွတ်ခါးကိုင်းပြီး ခြေသလုံးဖက်မတတ် တောင်းပန်ရတာ ဂျပန်ထုံးစံပါပဲ။
ခုလည်းပဲ မန်နေဂျာက တောင်းပန်တဲ့အပြင် အဓိကတာဝန်ရှိသူဖြစ်တဲ့ စားဖိုမှူးကိုပါ ဆူပူကြိမ်းမောင်းပြီး သွားတောင်းပန်ခိုင်းတယ်။ စားဖိုမှူးက စည်းကမ်းကြီးပြီး အလုပ်တာဝန်ကို အင်မတန် ရိုသေလေးစားသူ ဖြစ်ပါတယ်။ အမြဲတမ်း စေ့စပ်သေချာအောင် လုပ်ကိုင်စီစဉ်တဲ့ကြားက ဘယ်လိုဖြစ်ပြီး ဟင်းထဲကို ပိုးဟပ်ပါသွားသလဲဆိုတာ သူက သိချင်တယ်။ (ဂျပန်တို့၊ အမေရိကားတို့လို ခေတ်မီနိုင်ငံတွေမှာ အခုလို မသန့်ရှင်းတဲ့ ကိစ္စဖြစ်ရင် အစိုးရကျန်းမာရေးဌာနက စားသောက်ဆိုင်လိုင်စင်ပိတ်တဲ့အထိ အရေးယူခံရနိုင်တဲ့ အမှုမို့ သိပ်ကြောက်ကြပါတယ်။)
ဆိုင်မှာတပ်ထားတဲ့ စီစီတီဗီ လုံခြုံရေးကင်မရာက ဗီဒီယိုမှတ်တမ်းကို စားဖိုမှူးက ပြန်ကြည့်လိုက်တဲ့အခါ အမျိုးသမီးဟာ ပိုက်ဆံအိတ်ထဲမှာ အသင့်ယူလာတဲ့ စက္ကူထုပ်ထဲက ပိုးဟပ်အသေကို ဟင်းထဲ သူကိုယ်တိုင်ထည့်လိုက်တာ တွေ့သွားတယ်။ စားသောက်ဆိုင်မှာ အလကားစားရအောင် ဉာဏ်ဆင်တာ ပေါ်သွားပြီဆိုတော့ စားဖိုမှူးနဲ့ မန်နေဂျာလည်း စိတ်ဆိုးမာန်ဆိုးနဲ့ ရဲကိုတိုင်ပြီး အမှုဖွင့်တော့တာပေါ့။
အမှန်တော့ ဒီလိုအမှုမျိုးဟာ သာမန်အသေးအဖွဲမို့ ဒဏ်ငွေလောက်နဲ့ ပြီးတာပါပဲ။ တရားရုံးမှာ အမှုစစ်ဆေးတာလည်း အမျိုးသမီးတရားသူကြီးမို့ သက်သက်ညှာညှာ စီရင်ချက်ချလိမ့်မယ်လို့ပဲ ထင်ကြတယ်။ ဒါပေမယ့်၊ တရားခံဖြစ်သူ မိခင်ကို ထောင်ဒဏ် ၃ ရက် အပြစ်ပေးတဲ့အပြင် ဖခင်ကိုလည်း ကြံရာပါအဖြစ် ပြည်သူ့အကျိုးပြုလုပ်ငန်း နာရီ ၂၀ လုပ်အားပေးဖို့ စီရင်ချက်ချလိုက်တော့ အံ့အားသင့်ပြီး ပွဲဆူပါလေရော။
ဒဏ်ငွေလောက်နဲ့ ပြီးရမယ့်အမှုမျိုးမှာ သားသမီး ၃ ယောက်ရဲ့ အမေနဲ့အဖေကို ဒီလို အပြစ်ပေးတာ မတရားဘူးဆိုပြီး တရားသူကြီးအမျိုးသမီးကို ဝိုင်းပြီး အပြစ်တင် ဝေဖန်ကြတယ်။ တရားသူကြီးကိုယ်တိုင် သားသမီးရှိတဲ့ မိခင်တစ်ယောက်ဖြစ်လျက်သားနဲ့ ကိုယ်ချင်းစာစိတ်မရှိဘူးလို့ ကဲ့ရဲ့ကြတယ်။ ဂျပန်နိုင်ငံဟာ ယောက်ျားကြီးစိုးတဲ့ဝါဒ အနည်းနဲ့အများ ကျန်နေဆဲ ဖြစ်လို့ အမျိုးသမီးတရားသူကြီး ၁၅ ရာခိုင်နှုန်းပဲ ရှိပါတယ်။ အမျိုးသားတရားသူကြီးတောင် ဒီလောက်အကြင်နာတရား မခေါင်းပါးဘူးလို့ ပြောကြတာပေါ့။
သတင်းဌာနတွေက မေးမြန်းတဲ့အခါ တရားသူကြီး ဖြေသွားတာကတော့ သူတို့ မိသားစုဟာ အရင်ကလည်း ဒီနည်းနဲ့ပဲ စားသောက်ဆိုင်တွေကို လိမ်ညာလှည့်ဖြားပြီး အလကားစားခဲ့တာ လေးငါးကြိမ် ရှိခဲ့ကြောင်း အမှုကို ကြားနာစစ်ဆေးရင်း ပေါ်ပေါက်ခဲ့တယ်၊ မိခင်ဟာ သားသမီး သုံးယောက်ကို မကောင်းမှု ရှောင်ကြဉ်ဖို့ ပဲ့ပြင်ဆုံးမရမယ့် အရေးကြီးတဲ့တာဝန်ကို လျစ်လျူရှုတဲ့အပြင် ကလေးတွေ ရှေ့မှာ သူကိုယ်တိုင်က နည်းပေးလမ်းပြ လိမ်လည်မှု ကျူးလွန်ခဲ့တယ်။ ဖခင်ကလည်း မတားမြစ်ဘဲ အလိုတူအလိုပါ အားပေးခဲ့တယ်။
ဒါကြောင့် ဒီလို အပြစ်ဒဏ်ပေးတာဟာ မိဘတွေကို နောင်ကြဉ်အောင် ဆုံးမရုံသာမကဘဲ သူတို့ရဲ့ သားသမီးတွေကိုပါ ကြီးပြင်းလာရင် ဒီလိုမျိုး မလုပ်မိအောင် ပညာပေးလိုက်တာလည်း ဖြစ်တယ်လို့ တရားသူကြီးက ရှင်းပြလိုက်တဲ့အခါ ဝေဖန်သံတွေ မီးပုံကြီးရေဖျန်းလိုက်သလို ရှဲကနဲ ငြိမ်သွားတာပဲဗျာ။
ကျနော်တို့ မြန်မာစကားမှာ "လက်ဦးဆရာ မည်ထိုက်စွာ ပုဗ္ဗာစရိယ မိနဲ့ဘ" ဆိုစကားရှိသလိုပဲ သားသမီးတွေ ဥပဒေလေးစားလိုက်နာအောင် မိဘတွေက သင်ကြားပေးရမယ့်အပြင် ကိုယ်တိုင်လည်း သူတို့လေးတွေအတွက် စံနမူနာဖြစ်အောင် နေထိုင်ကြရမှာပါ။
ရှေးတုန်းက အင်မတန် ဆိုးသွမ်းသောင်းကျန်းတဲ့ သူခိုးဓားပြ လူဆိုးဗိုလ်ကြီးကို ဖမ်းမိပြီး ရှင်ဘုရင်က ကွပ်မျက်စေတဲ့အခါ မိခင်ကို နောက်ဆုံးစကား ပြောပါရစေလို့ အသနားခံတဲ့ ပုံဝတ္ထုကိုလည်း သိကြမှာပေါ့။ လက်ပြန်ကြိုးတုပ်ထားတဲ့ လူဆိုးဗိုလ်ကြီးက စကားပြောမလိုလိုနဲ့ မိခင်ရဲ့ နားနားကိုကပ်ပြီး နားရွက်ပြတ်အောင် သွားနဲ့ကိုက်လိုက်တော့ ဘုရင်လည်း အမျက်ပြင်းစွာထွက်ပြီး မေးမြန်းတယ်။ သူ ငယ်စဉ်မှာ မိခင်က မဆုံးမတဲ့အပြင် ခိုးတတ်ဝှက်တတ်အောင် သင်ပေးလို့ အခုလို လူဆိုးကြီးဘဝ ရောက်ပြီး သေဒဏ်သင့်ရတာကြောင့် မိခင်ကို စိတ်နာခဲ့ရကြောင်း လျှောက်တင်ခဲ့တဲ့ အဖြစ်သနစ်ကို မြန်မာတိုင်း ကြားဖူးပါတယ်။
အမေရိကားရောက် မြန်မာမိသားစုတွေမှာလည်း ဒီလိုကိစ္စမျိုးတွေ အများကြီးရှိတယ်။ အဝစား ဘူဖေးစားသောက်ဆိုင်တွေမှာ စားကြတဲ့အခါ ဆိုင်ထဲမှာ စားပိုးနင့်မတတ် စားရုံမကဘူး၊ စားကောင်းသောက်ဖွယ်တွေ၊ ဇွန်းခရင်း၊ လက်သုပ်ပဝါ၊ ဆော့စ်ပုလင်း၊ ဆားဘူး၊ ငရုတ်ကောင်းဘူးကအစ ရသလောက်အကုန် အိတ်ထဲထည့် ယူလာတာမျိုးတွေကို သားသမီးတွေ မြင်တော့ မနှစ်မျို့ဘူး။ မိဘမို့ မပြောသာလို့ ငြိမ်နေကြရတာပါ။
လမ်းကူးတဲ့အခါ လူကူးမျဉ်းကျားကမကူးဘဲ ကြုံတဲ့နေရာက ဖြတ်ကူးတော့ "Don't do jaywalking mom" လို့ သားသမီးတွေက မိဘကို စည်းကမ်းမဲ့ လမ်းမကူးဖို့ ပြောကြတယ်။ အသက်ပြည့်နေတဲ့ သားသမီးအတွက် လူကြီးလက်မှတ်မဝယ်ဘဲ အသက်လိမ်ပြောခိုင်းပြီး ကလေးလက်မှတ်နဲ့ ဝင်ခိုင်းတာကို မြန်မာလူငယ်လေးတွေ ရှက်တယ်။ ခိုးကူးပြီး ဖြန့်ဝေတဲ့ ရုပ်ရှင်တွေကို watch32 လို ဝက်ဘ်ဆိုက်မျိုးက ကြည့်တဲ့မိဘတွေကို အမေရိကားမှာ ကြီးပြင်းတဲ့ သားသမီးတွေက မကြိုက်ကြဘူး။
ကားမောင်းတဲ့အခါ လမ်းဆုံမှာ ကားရပ်ပေးရမယ့် stop sign မှာ မရပ်ရင် ကလေးတွေက အပြစ်တင်ကြတယ်။ မိဘက လက်လွတ်စပယ် အမှိုက်ပစ်ရင် သားသမီးတွေက ပြန်ကောက်တယ်။ မိဘတွေက တန်းမစီဘဲ ကြားဖြတ်ဖို့ ကြိုးစားရင် ကလေးတွေက လိုက်မလုပ်ဘဲ ဟိုးနောက်မှာ သွားတန်းစီတယ်။
နိုင်ငံခြားတိုင်းပြည်တွေကို ရောက်လာတဲ့ မြန်မာတွေအတွက် သားသမီးက မိဘကို ပြန်ပြီး စံနမူနာပြနေရသလို ပြောင်းပြန်တွေ ဖြစ်နေတာ မကြာခဏ တွေ့ရပါတယ်။
ဒါဟာ မိဘတွေ မြန်မာနိုင်ငံမှာ နေထိုင်စဉ်တုန်းက ပြုမူကျင့်ကြံပုံတွေ လွဲမှားနေတာကို အထင်အရှား ပြနေတာပဲ မဟုတ်ဖူးလား။
ကျနော်တို့ မြန်မာလူမျိုးတွေဟာ နိုင်ငံခြားရောက်တဲ့အခါရော ပြည်တွင်းမှာနေထိုင်စဉ်မှာပါ စည်းမျဉ်းစည်းကမ်းတွေကို လိုက်နာဖို့ အတတ်နိုင်ဆုံး ကြိုးစားရမှာပါ။ စည်းမျဉ်းစည်းကမ်းကို ပြည်သူတွေ လေးစားလိုက်နာမှသာ တရားဥပဒေဘောင်ထဲမှာ အေးချမ်းစွာ နေထိုင်နိုင်ကြမှာ ဖြစ်ပါတယ်။ သားသမီးတွေက ကိုယ့်ကိုကြည့်ပြီး ကိုယ့်လိုလိုက်လုပ်ကြမယ်ဆိုတာ သတိပြုထားရပါလိမ့်မယ်။
နောင်လာနောက်သား မျိုးဆက်သစ်လေးတွေကို မခိုးမဝှက်၊ မလိမ်မညာအောင် အခြေခံအပြုအမူလေးတွေကအစ သင်ကြားပေးဖို့ လိုအပ်ပါတယ်။ အိမ်ရှေ့မှာ အလှူခံရောက်လာရင်တောင် "လူကြီးမရှိဘူး" လို့ လိမ်ခိုင်းတာ ထမင်းစားရေသောက်လို့ ထင်ကြပေမယ့် တကယ်တော့ ကလေးစိတ်ထဲမှာ လိမ်တတ်ညာတတ်အောင် သင်ပေးသလို ဖြစ်နေတာ သဘောမပေါက်ကြဘူး။
အခုလို သမိုင်းတွင်မယ့် ခေတ်ပြောင်းချိန်မှာ အရေးကြီးတဲ့ မဟာတာဝန်ကတော့ ကိုယ်တိုင်သာမက နောင်မျိုးဆက်တွေပါ ကိုယ့်ကို အတုယူပြီး စည်းကမ်းနဲ့ ဥပဒေကို လေးစားလိုက်နာအောင် လူကြီးတွေက စံနမူနာ ပြပေးရပါလိမ့်မယ်။ မြန်မာပြည်မှာ မိဘတွေကိုယ်တိုင် လာဘ်ပေးလာဘ်ယူကိစ္စတွေ လုပ်ရုံမကဘူး၊ သားသမီးတွေကိုလည်း ပေးတတ်ယူတတ်အောင် သင်ကြတာဟာ အဆိပ်ပင်ရေလောင်းသလိုပါ။ လာဘ်ပေးလာဘ်ယူဟာ ရာဇဝတ်ပြစ်မှု ဖြစ်တယ်ဆိုတာ မြန်မာနိုင်ငံမှာ လူအများစု မေ့နေသလိုတောင် ဖြစ်နေပါတယ်။
လူကြီးမိဘတွေက ကိုယ့်သားသမီးတွေ ချမ်းချမ်းသာသာ နေနိုင်အောင် ရသလောက် ဂွင်ဖန်ပြီး အိတ်ထဲထည့်တာမျိုးတွေ၊ လာဘ်စားတာမျိုးတွေ၊ ခိုးဝှက် ကဲ့ယူတာမျိုးတွေ မလုပ်သင့်တော့ဘူး။ ဒီလိုလုပ်လို့ ချမ်းသာလာတဲ့ ဥစ္စာဓနဟာ မိဘတွေ ဘယ်လိုရလာတယ်ဆိုတာ သားသမီးတွေက မပြောလည်း သိပါတယ်။ ဒါမျိုးကို အတုခိုးမှားပြီး သားသမီးတွေ လိုက်လုပ်မိရင် ရာဇဝတ်မှုနဲ့ ထောင်ကျသွားနိုင်တဲ့ ခေတ်သစ်တစ်ခုကို ရောက်နေပြီဆိုတာ ကျပ်ကျပ်သတိထားကြပါ။
ကိုယ့်သားသမီးတွေကို လောကအလယ် တင့်တယ်စေချင်တဲ့ မေတ္တာစေတနာ တကယ်မှန်ကန်တယ်ဆိုရင် မတည်မြဲတဲ့ ငွေကြေးဥစ္စာထက် မြင့်မြတ်တဲ့အကျင့်သီလ၊ ကောင်းမွန်တဲ့ စာရိတ္တအမွေကိုသာ ထိုက်ထိုက်တန်တန် ပေးကြပါလို့ပဲ မြန်မာမိဘများကို ပန်ကြားလိုက်ရပါတယ်။

Edit - TYO

"ဘယ်လိုလူတွေ‬ တိုးတက်တာလဲ"

‎

တစ်ပြားတန်အတွေးတွေးတဲ့သူ ဟာ တစ်ပြားပဲရမှာပါပဲ
အိုင်းစတိုင်း
ဖတ်ကြံတွေး
ဘယ်လိုလူတွေတိုးတက် တာလဲဆိုတာကို ကျွန်တော့်ကို မေးလေ့ရှိတယ်။ ကျွန်တော်က တော့ စာဖတ်တဲ့လူတွေ တိုးတက် တယ်လို့ ပြောလေ့ရှိတယ်။
ဒါဟာကျွန်တော်တို့ စဉ်း စားလို့ရတဲ့ အကြောင်းအရာလည်း ဖြစ်ပါတယ်။
ဦးပဂျီငိုအကြောင်းကို စာ တစ်စောင်ပေတဖွဲ့ရေးခဲ့တဲ့ ဆရာ မင်းလှမြတ်ထွေးကတော့ 'ဖတ်ကြံ လုပ်' ဆိုပြီး ပြောဖူးတယ်။
စာဖတ်ရုံနဲ့ မပြီးသေးဘူး။
ကြံစည်ရမယ်။
ကြံနေရုံနဲ့လည်း မရဘူး၊ လုပ်ရပါဦးမယ်။ ဒီတော့ အဆင့် တိုင်းဟာ အရေးပါတယ်။
တကယ်တော့ လုပ်တဲ့အ ခါ အောင်မြင်ချင်မှအောင်မြင်မှာ ပေါ့။ ဒီနေရာမှာ လုပ်တဲ့အလုပ်နဲ့ ပတ်သက်ပြီး တွေးစရာတွေရှိ တယ်။ လူတွေကို မေးကြည့်ပါ။ လူတိုင်းလိုလိုဟာ ဆုံးရှုံးဖူးတဲ့ လူ တွေပါပဲတဲ့။ ဒါပေမယ့် အောင် မြင်နေတဲ့သူတွေ အများကြီးပါပဲ။
သူတို့ယနေ့ ဘာကြောင့် အောင်မြင်သလဲ။ ပထမမှာတော့ မအောင်မြင်ပေမယ့် နောက်ဆုံး အောင်မြင်သွားတဲ့အကြောင်းမှန်း ဆကြည့်နိုင်တယ်။ သူတို့အောင် မြင်တာ ဇွဲရှိ်လို့ပဲပေါ့။ ဇွဲရှိတဲ့ လူ တွေ တိုးတက်တယ်ဆိုတာကို တွေ့ ရပေမယ်။ ဒါပေမယ့် မှန်ကန်တဲ့ အလုပ်ကိုတော့ လုပ်ဖို့လိုတယ်။
ဒါဆိုရင် 'ဖတ်ကြံတွေး' ဆိုတဲ့ဆီကိုပဲ ပြန်ရောက်သွားပါ တယ်။
မဖြစ်မနေ
ကျွန်တော်ငယ်ငယ်က ကျောင်းကဆရာတွေနဲ့ လက်ပွန်း တ တီးနေဖူးတယ်။ ကျွန်တော်တို့ ကျောင်းမှာ ဆရာလေးတစ် ယောက်ကို ကျွန်တော်မေးခွန်းမေး ဖူးတယ်။
''ဆရာ မြန်မာပြည် ရောက်တဲ့ တရုတ်တွေအများကြီး ဟာ ချမ်းသာကြတယ်။ သူတို့ တကယ်တော်တယ်နော်''
ဆရာလေးက ''မှန်တယ်၊ တကယ်တော့ တရုတ်တိုင်းမချမ်း သာပါဘူး။ တရုတ်ဘိန်းစားလို့ ပြောသံ ကြားဖူးတယ်မဟုတ်လား'' လို့ ပြောပါတယ်။ ဆက်ပြီးဆရာက ''သူတို့ ထဲမှာလည်း အမျိုးမျိုးရှိပါ တယ်။ ဒါပေမယ့် နိုင်ငံရပ်ခြားမှာ ကျားကုတ်ကျားခဲကြိုးစားရတယ်။ သူတို့ အသက်ရှင်ရပ်တည်ရေးအ တွက် ကြိုးစားရင်းနဲ့ လမ်းစတွေ တွေ့ သွားတာပဲ''လို့ ပြောပါတယ်။
ဒီအကြောင်းစဉ်းစားရာ က ရတဲ့အသိတရားတစ်ခုကို ပြောလိုပါတယ်။
ရေထဲတွန်းချရင် ရေကူး တတ်လာတဲ့ သူတွေရှိသလို မြုပ် သွားတဲ့သူလည်းရှိတယ်။
ကျွန်တော်တို့တွေ့တဲ့ လူ တွေက ရေကူးတတ်သွားတဲ့ သူ တွေပါပဲ။ စုံးစုံးမြုပ်သွားသူတွေကို ဘယ်မေးလို့ရတော့မှာလဲ။
ရေကူးတတ်တဲ့ လူတွေ ဒု နဲ့ဒေးပါပဲ။
ကူးတတ်ရုံနဲ့ မရဘူး။ လို တဲ့နေရာကို ရောက်အောင်ကူးဖို့ က အရေးကြီးပြန်ရော။
ဇွဲသတ္တိ
ပုံပြင်လေးတစ်ပုဒ်ကို ဖတ် ဖူးတယ်။
တစ်ခါက တိရစ္ဆာန်ရုံရဲ့ ရေကန်ကြီးနံဘေးမှာ ဝန်ထမ်းတွေ ကို ပိုင်ရှင်သူဌေးကြီးက ခေါ်ပြီး ဂုဏ်ပြုနေ့လယ်စာ ကျွေးသတဲ့။
အဲဒီနောက်တော့ သူတို့ကို ရေကန်နဖူးကိုခေါ်ပြီး ကန်ထဲက မိကျောင်းတွေအတွက် အသား တွေကို ကျွေးစေတယ်။ ကန်ထဲက မိကျောင်းတွေက ဝမ်းသာအားရ သွားဖြူဖြူတွေကို ဖြဲပြီးစားသောက် ကြတယ်။ ရေထဲမှာ ဝုန်းဒိုင်းသံတွေ ဆူညံနေတာပေါ့။
ဒီလို ကျွေးမွေးနေတုန်း သူ ဌေးက ''တကယ်လို့များခုအချိန် လူတစ်ယောက် ရေကန်ထဲကို ဆင်းပြီး ဟိုဘက်ကိုကူးသွားရဲတယ် ဆိုရင် ဒေါ်လာတစ်သောင်းဆုချီး မြှင့်ချင်ပါရဲ့''လို့ ပြောတယ်။
ဒီလိုပြောပြီးတဲ့နောက်မှာ ဝုန်းခနဲ ရေထဲခုန်ဆင်းသွားတဲ့ အ သံကိုကြားလိုက်ရတယ်။
ရေထဲကြည့်လိုက်တော့ လူ တစ်ယောက်ဟာ မိကျောင်းတွေ ကြားကနေ ဟိုဘက်ကမ်းကို တစ် အားကူးနေတာကိုတွေ့ကြသတဲ့။
''ဝေး ဝေး ဝေး''
လူတွေက အော်ဟစ်အား ပေးကြတယ်။ နောက်ဆုံးမှာ အဲဒီ လူဟာ တစ်ဖက်ကမ်းကို ရောက် သွားပြီး လွတ်မြောက်သွားတယ်။
ဒီတော့ သူဌေးလည်း မနေ သာတော့ဘဲ အဲဒီလူကို အထူးရဲရင့် ဆုအနေနဲ့ ဒေါ်လာငွေတစ်သောင်း ဆုချလိုက်သတဲ့။
ပြီးတော့ ဒီလူကို ပရိသတ် တွေကို ဘာပြောချင်သလဲမေး တော့ သူက ''ငါ့ကို ရေထဲတွန်းချ တဲ့ကောင် ဘယ်သူလဲ၊ တွေ့ရင် တော့ အသေပဲ''လို့ ကြိမ်းမောင်း တာကို ကြားရလေသတဲ့။
ဒီပုံလေးက ဟာသ သက် သက်ပေမယ့် ကောင်းပါတယ်။
ဇွဲသတ္တိဆိုတာ ညှစ်အား ဒါမှမဟုတ်တွန်းအား ဒါမှမဟုတ် ဆွဲအားလိုတယ်။ မိကျောင်းတွေက တွန်းအားပါပဲ။
''မမလေးကိုချစ်တဲ့ အာရုံ၊ ရွှေမြင့်မိုရ်တစ်တောင်လုံး တုံးမှတ် လို့ ခုန်''ဆိုတာကတော့ ဆွဲအား ပေါ့။
စိတ်ခွန်အား
လူအချို့ကတော့ စိတ်ခွန် အားကိုမယုံပေ။
မြန်မာတွေပြောတဲ့ ဆန္ဒာ ဓိပတိဆိုတာကို သတိရကြသင့် တယ်။
တကယ်တော့ ဒါဟာ ဗုဒ္ဓ ဘာသာဝင်တွေရဲ့ စကားအဖြစ် တစ်ကမ္ဘာလုံးက စိတ်ပညာရှင်အ တော်များများ လက်ခံကြတယ်။
မိမိလိုချင်တာကို ရေးထား မှတ်ထား။ နေ့တိုင်းသတိရပါ။
မော်တော်ကားလိုချင်ရင် ကားပုံကို ခေါင်းရင်းမှာ ရေးကပ် ထားပါ။ နေ့စဉ် အိပ်ရာဝင် အိပ် ရာထကြည့်ပါ။
ဒီအခါ မိမိမှန်းထားသော အချိန်မှာ ထိုကားကိုရမယ်ဆိုတဲ့ စကားရှိတယ်။
အနောက်တိုင်း၊ အရှေ့ တိုင်းကလူတွေ ဒါကိုယုံကြတယ်။
ဒါကိုစိတ်ခွန်အား သို့မ ဟုတ် စိတ်တန်ခိုးလို့ ခေါ်ကြ တယ်။
စိတ်ပညာကတော့ မသိ စိတ်ထဲကို အသိဆန္ဒရောက်သွား တဲ့အခါ အလိုအလျောက်ဆန္ဒတွေ ကို ဖြည့်ဆည်းတယ်လို့ ဆိုပါ တယ်။ ဘယ်လိုဖြစ်ဖြစ် ဒါဟာ ရည်မှန်းချက်ဆိုတဲ့ အိပ်မက်ကို မှတ်မှတ်သားသားအလေးထားခြင်း လို့ ယူဆနိုင်ပါတယ်။ ကျွန်တော် ကတော့ မသိစိတ်ကပဲဖြစ်ဖြစ် သိ စိတ်ကပဲဖြစ်ဖြစ် ကြံစည်ပြီး လုပ် ကိုင်နေမှသာ အောင်မြင်တယ်လို့ ဆိုချင်တယ်။
အိပ်မက် (Dream)
အောင်မြင်လိုသူတိုင်းမှာ အိပ်မက်တွေထားတယ်။
ဒါပေမယ့် သူတို့အနေနဲ့ ပထမ Capacity ကို မြှင့်ဖို့တော့ လိုတယ်လို့ဆိုတယ်။
အချို့ကလည်း အိပ်မက် အရင်မက်တယ်။ အချို့ကတော့ အရည်အသွေးမြင့်မားအောင် အ ရင်လုပ်တယ်။
ကျွန်တော်တို့ ကျောင်းနေ တာမျိုးဟာ အရည်အသွေးမြှင့် တာပဲပေါ့။ ဒီအချိန်မှာ အချို့က တော့ ရည်မှန်းချက် (အိပ်မက်) တွေရှိတာကိုတွေ့ရမယ်။ များသော အားဖြင့် ပညာသင်တာ အမေ ထားလို့ ကျောင်းသွားတယ်။ ပညာ တတ်ရင် အလုပ်ကြမ်းမလုပ်ရဘူး။ လစာကောင်းကောင်းရမယ်ဆိုတာ မျိုးကို လက်ခံထားကြသူတွေများ တယ်။ ဆရာဝန်ကြီးဖြစ်ချင်တယ်။ အင်ဂျင်နီယာကြီးဖြစ်ချင်တယ်ဆို တဲ့ အိပ်မက်တွေဟာလည်း ရေရေ ရာရာ အိပ်မက်တွေ မဟုတ်ဘူး။
သူများယောင်လို့ ယောင် ရတာမျိုးပါပဲ။
ဒါပေမယ့် တစ်စုံတစ် ယောက်ကို အားကျပြီးမက်တဲ့ အိပ်မက်ကတော့ ရေရာတယ်လို့ ဆိုနိုင်ပါတယ်။
ဒါဆိုရင် ဘာကို ရေရာတဲ့ အိပ်မက်လို့ ခေါ်တာလဲ။
''ရေရာတဲ့ အိပ်မက်ဆို တာ အကောင်အထည်မြင်ရတာ ကို ခေါ်တယ်''လို့ ပြောနိုင်တယ်။
အကောင်အထည်ကို အနီးအနားမှာ မမြင်မတွေ့ရရင်တော့ ဓာတ်ပုံပန်းချီ သို့မဟုတ် ကိုယ် တိုင်ရေးဆွဲပြီး ထင်မြင် လာအောင် မြင် မက်ဖို့လိုသတဲ့။ ဒါမှ အဲဒီအိပ် မက်ဟာ သေချာတယ်။
''ဒါကြောင့် ကျွန်တော်တို့ ဟာ ဗိုလ်ချုပ်အောင်ဆန်းလို
ခေါင်းဆောင်တွေရဲ့ပုံကို ချိတ်ဆွဲ ထားတာပဲ''လို့ မိတ်ဆွေစိတ်ပညာ ရှင်တစ်ဦးက ပြောပြတယ်။
ဒါပေမယ့် ပုံတွေချိတ်ထား တာ အားလုံးဟာ အိပ်မက်တွေ တော့မဟုတ်ပါဘူး။ ကိုယ်တိုင် ကြည်ညိုလေးစားပြီး သူ့လိုဖြစ်ချင် မှ အိပ်မက်ဟာ အကောင်အထည် ပေါ်လာနိုင်ပါတယ်။
နိဂုံး
တစ်ခါက ပရင်စတန် တက္ကသိုလ် အနောက်နား မြင်ခင်း မှာရှိတဲ့ ခုံတန်းလျားလေးတစ်ခုမှာ လူတစ်ယောက်ထိုင်နေတယ်။
အဲဒီရက်က ကျောင်းပိတ် ရက်ဖြစ်တော့ လူအတော်နည်း တာပေါ့။
အဲဒီ ထိုင်နေသူအနားကို နောက်ကျောင်းသားလေးတစ် ယောက်က ဝင်ထိုင်တယ်။
ပြီးတော့ ကျောင်းသား လေးက ထိုင်နေသူကို ''ခင်ဗျားကို သိပါတယ်။ ခင်ဗျားဟာ ရူပဗေဒ ပညာရှင်ကြီး အိုင်းစတိုင်းမဟုတ် လား''လို့ မေးတယ်။
အိုင်းစတိုင်းဟာ လူငယ် လေးကို ဘာမှမပြောဘူး။ သူ့ရှေ့ က ဘာမှမရေးထားတဲ့ စာရွက်ကို ပဲ ငေးကြည့်နေတယ်တဲ့။
ဒီတော့ လူငယ်လေးက ''ခင်ဗျားအတွေးအတွက် တစ်ပြား ပေးမယ် (A penny for your thought) လို့ လှမ်းပြောလိုက် တယ်။ ဒါဟာ အင်္ဂလိပ်စကားမှာ ပြောလေ့ရှိတဲ့ စကားပါ။ နောက် ပြောင်တဲ့ Idiom ပါပဲ။
ဒီအခါမှာ အိုင်းစတိုင်းက လူငယ်လေးကိုကြည့်လိုက်တယ်။ ပြီးတော့ မေးတယ်။
''မင်း ဒီကျောင်းက Ph.D ကျောင်းသားမဟုတ်လား''
''ဟုတ်ပါတယ်၊ ကျွန်တော် ရူပဗေဒက Ph.D ကျောင်းသားပါ။ ဆရာကြီး လက်ချာတက်ဖူးတယ်'' လို့ ဖြေတယ်တဲ့။
''အေး၊ မှန်တာပြောရရင် ငါဘယ်တော့မှ တစ်ပြားတန်အ တွေးမတွေးဘူး။ မင်းလည်းပရင်စတန်က ကျောင်းသားအနေနဲ့ တစ်ပြား တန် အတွေး ဘယ်တော့မှ မတွေးလေနဲ့၊ အတွေးဆိုတာ တန် ဖိုးကြီးလေလေ ကောင်းလေလေပဲ'' တဲ့။
ဆရာကြီးက သူ့စာရွက်ကို ကြည့်ပြီး ပုံဖော်နေရင်း ဆက်ပြော လိုက်တယ်။
တစ်ပြားတန်အတွေးတွေး တဲ့ သူဟာ တစ်ပြားပဲရမှာပါပဲတဲ့။

Edit - TYO

ခရီးသွားလေ့ရှိတဲ့သူတွေက ဘာလို့အောင်မြင်တတ်လဲ?

ခရီးသွားခြင်းက ဘဝအမောတွေကို ပြေပျောက်စေတယ်၊ အပန်းပြေစေတယ်၊ ဗဟုသုတတွေကို ရစေတယ်။ ဒီလိုအချက်တွေအပြင် ကိုယ်သတိမထားမိတဲ့ အရည်အသွေးတွေကိုလည်း တိုးတက်လာစေပါတယ်။ ဒီအရည်အသွေးတွေဟာ ကိုယ့်ရဲ့ ကိုယ်ရည်ကိုယ်သွေးကောင်းတစ်ခုအဖြစ်နဲ့ လုပ်ငန်းခွင်မှာပါ အထောက်အကူပြုလေ့ရှိပါတယ်။
(၁) ပွင့်လင်းတဲ့သဘောထားရှိတယ်။
ခရီးသွားနေတဲ့အခါမှာ လူတစ်ယောက်ရဲ့စိတ်ဟာ ပွင့်လင်းပါတယ်။ သူ့ရဲ့အမြင်နဲ့ခံစားချက်ပေါ်မှာလည်း ရိုးသားပါတယ်။ ပုံမှန်ခရီးသွားလေ့ရှိသူတစ်ဦးအနေနဲ့ ဒီအကျင့်လေးတွေဟာ သူ့ရဲ့ လုပ်ငန်းခွင်ထဲထိ ကူးစက်လာတတ်ပါတယ်။
(၂) လူမှုဆက်ဆံရေး ကျယ်ပြန့်တယ်။
ခရီးအတူသွားတဲ့အခါ ခရီးသွားဖော်တွေရှိမယ်။ နယ်ပယ်အသစ်တွေကို ရောက်တဲ့အခါမှာ နယ်ခံတွေရှိမယ်။ ခရီးသွားရင်းနဲ့ ကိုယ်နဲ့မသိတဲ့ လူပေါင်းများစွာနဲ့ တွေ့ကြုံရပါတယ်။ မိတ်ဆွေအသစ်တွေနဲ့ ခင်မင်အောင် ပေါင်းသင်းဖို့ အခွင့်အရေးတွေ ရတတ်ပါတယ်။
(၃) လူတွေအကြောင်း နားလည်မယ်။
လူတစ်ယောက်အကြောင်း သိချင်ရင် ခရီးအတူသွားကြည့်ဆိုတဲ့ စကားရှိပါတယ်။ ဒီလိုပါပဲ ခရီးမကြာခဏသွားလေ့ရှိသူတစ်ဦးဟာလည်း လူတွေအကြောင်းကို တဖြည်းဖြည်းနားလည်လာပါတယ်။ မကောင်းမြင်စိတ်ထက်စာရင် လူတွေရဲ့ ဖြစ်လေ့ဖြစ်ထရှိတဲ့သဘောကို နားလည်လာခြင်းလည်း ဖြစ်ပါတယ်။
(၄) အစီအစဉ်ဆွဲတာကောင်းလာတယ်။
ခရီးတစ်ခုသွားတယ်ဆိုတာ ဒီအတိုင်းကြီး ခြေဦးတည့်ရာ သွားလို့မရပါဘူး။ ဘယ်ကိုသွားမယ်။ ဘယ်ရောက်ရင် ဘာလုပ်မယ်။ စသဖြင့် ကြိုတင်အစီအစဉ်ဆွဲထားရပါတယ်။ ခရီးသွားခြင်းအားဖြင့် ဒီလို planning လုပ်တဲ့အပိုင်းမှာလည်း တိုးတက်လာနိုင်ပါတယ်။
(၅) ဗဟုသုတတိုးမယ်။
ဗဟုသုတ သိုမှီးတဲ့နည်း သုံးခုရှိပါတယ်။ ဒါတွေကတော့ စာဖတ်ခြင်း၊ သူများဆီက နားထောင်ခြင်းနဲ့ ခရီးသွားခြင်းတို့ပဲ ဖြစ်ပါတယ်။ ဒီထဲကမှ အထိရောက်ဆုံးကလည်း ခရီးသွားခြင်းလို့ ဆိုထားပါတယ်။ ခရီးတစ်ခေါက် သွားလိုက်တာနဲ့ ကိုယ့်ရဲ့ ကိုယ်ရော၊စိတ်ပါ အပြောင်းအလဲတွေကို ခံစားမိမှာပါ။
(၆) စိတ်ခွန်အားတက်ကြွနေတတ်တယ်။
ခရီးသွားတဲ့သူအများစုရဲ့ စိတ်တွေဟာ သစ်လွင်နေလေ့ရှိပါတယ်။ အတွေးဟောင်းတွေ၊ ခံစားမှုအဟောင်းတွေကိုလည်း ခရီးသွားခြင်းနဲ့အတူ ချန်လှပ်ထားလေ့ရှိပါတယ်။

Edit - TYO

"Change Yourself "

တစ်နေ့မှာတော့ ကုမ္မဏီတစ်ခုရဲ့ဝန်ထမ်းတွေဟာ ရုံးကိုရောက်ရောက်လာ
ချင်းမှာ Notice Board မှာကပ်ထားတဲ့ စာရွက်တစ်ရွက်ကိုတွေ့လိုက်ရပါတယ်။
အဲ့ဒီစာကတော့ ...
" ဒီရုံးမှာ သင်တို့ရဲ့တိုးတက်ရာတိုးတက်ကြောင်းကို နှောင့်ယှက်နေတဲ့ လူတစ်ယောက်မနေ့ကပဲဆုံးပါသွားပါပြီ။
သူရဲ့ဈာပနကို အားကစားခန်းမထဲမှာပြင်ဆင်ထားပါတယ်။ အားလုံးပဲတက်ရောက်ပေးဖို့ ဖိတ်ခေါ်ပါတယ် "
အားလုံးလည်း ကြောင်တောင်တောင်ဖြစ်သွားပြီး အဲ့လူဟာဘယ်သူပါလိမ့်ဆိုပြီး သိချင်စိတ်ပြင်းပြလာကြတယ်။ ၀န်ထမ်းတွေဟာ စိတ်လှုပ်ရှားစွာနဲ့ပဲ အားကစားခန်းမဆီကို အပြေးသွားခဲ့ကြပြီး အားကစားခန်းမကိုရောက်ရောက်ချင်းမှာပဲ အခေါင်းတစ်ခုကို သူတို့တွေ့လိုက်ကြရတယ်။
ငါတို့ကို နှောင့်ယှက်နေတဲ့လူကဘယ်သူများလဲ အားလုံးကသိချင်ဇောနဲ့ အခေါင်းကို ဆွဲဖွင့်လိုက်တဲ့အခါမှာတော့ မှန်တစ်ချပ်ကိုတွေ့လိုက်ရပြီး ကြည့်လိုက်တဲ့လူအားလုံး
ကိုယ့်ကိုယ်ကိုသာပြန်မြင်လိုက်ကြရပါတယ်။
ဒါဟာ ၀န်ထမ်းတွေအားလုံးကို သင်ခန်းစာတစ်ခုပေးခြင်းဖြစ်ပြီး အဲ့ဒါကတော့
သင်ရဲ့တိုးတက်မှုကို ကန့်သတ်နေတဲ့လူဟာ "သင်" ကိုယ်တိုင်ပဲဖြစ်တယ်ဆိုတာပါပဲ ။
သင်သာလျှင် သင့်ဘ၀ကို ပြောင်းလဲနိုင်စွမ်းရှိသူဖြစ်ပါတယ်။
ကိုယ့်အထက်ကအကြီးအကဲပြောင်းလဲသွားလို့ သင်ပြောင်းလဲမသွားနိုင်ပါ။
သင့်သူငယ်ချင်းပြောင်းလဲသွားလို့ သင်ပြောင်းလဲမသွားနိုင်ပါ။
သင့်ကုမ္ပဏီပြောင်းလဲသွားလို့ သင်ပြောင်းလဲမသွားနိုင်ပါ။
သင်ပြောင်းလဲမှသာ သင့်ဘ၀ပြောင်းလဲသွားမှာဖြစ်ပါတယ်။
လောကကြီးဟာ မှန်တစ်ချပ်ကဲ့သို့ဖြစ်ပြီး သင့်ရဲ့ကြိုးစားမှုတိုင်းဟာ
သင့်ဆီကို တန်ပြန်အကျိုးသက်ရောက်မှုတွေ မလွဲမသွေရောက်ရှိလာမှာပဲဖြစ်ပါတယ်။

Edit - TYO

" ရွှေဥမင် ဆရာတော် ဘုရားကြီး သြဝါဒ "

မြစ်ကြီးလည်း မခမ်းပါစေနဲ့။
သစ်ပင်ကြီးလည်း မလဲပါစေနဲ့။
ထုံးအိုးကြီးလည်း မကွဲပါစေနဲ့။
✿ မြစ်ကြီးလည်း မခမ်းပါစေနဲ့ ဆိုတာ အေးမြတဲ့စမ်းရေလို ကြည်ကြည်လင်လင် တသွင်သွင်စီးဆင်းနေတဲ့ မေတ္တာမြစ်ကြီးကို ဆိုလိုတာပါ။
လူလူချင်း မေတ္တာထားကြ။ မေတ္တာတရားတွေ ပွားများကြ။ လူလူချင်း မေတ္တာတွေ မခမ်းကြစေနဲ့ဆိုတဲ့ အဓိပ္ပါယ် ပဲ ။
✿ သစ်ပင်ကြီးလည်း မလဲပါစေနဲ့ တဲ့။ သစ်ပင်ကြီးဟာ အခက်အလက်အရွက်တွေ ဝေေ၀ဆာဆာနဲ့ အရိပ်အာဝါသကိုပေးတယ်။ ထို့အတူပဲ ... ဘုရား တရား သံဃာ ရတနာသုံးပါးရဲ့အရိပ် အာဝါသကောင်းကို ခိုလှုံရလို့လည်း ကြီးပွားချမ်းသာခြင်းကို ရတယ်။ ဒီအရိပ်အာဝါသတွေကို အမိအရ ခိုလှုံဖို့ လိုသလို၊ အရိပ်အာဝါသတွေကို မဖျက်ဆီးမိဖို့ ကျေးဇူးမကန်းမိဖို့ လဲသတိထားရလိမ့်မယ်။
သစ်ပင်ကြီးကို ခုတ်လှဲပစ်ခြင်းဟာ အရိပ်အာဝါသကို ဖျက်ဆီးရာ
ရောက်တာပဲ။ ဒါကြောင့် သစ်ပင်ကြီးမလဲအောင်လဲ ကြိုးစား ထိန်းသိမ်းကြပါ။
✿ ထုံးအိုးကြီးလည်း မကွဲပါစေနဲ့ ဆိုတာက ရိုးရာဓလေ့ ထုံးစံတွေကို
ပြောတာပါ။ မိဘဘိုးဘွား လက်ထက်ကတည်းက လိုက်နာကျင့်သုံး
လာကြတဲ့ ယဉ်ကျေးမှု ထုံးတမ်းစဉ်လာကောင်းတွေကို မပျောက်ပျက်ရအောင် ထိန်းသိမ်းပြီး ဗုဒ္ဓဘာသာဓလေ့ ယဉ်ယဉ်ကျေးကျေး သိမ်သိမ်မွေ့မွေ့
နေထိုင်ကြပါ ။
( ရွှေဥမင်ဆရာတော်ဘုရားကြီး )

" MANAGEMENT THEORIES ( X ) နဲ့ ( Y ) "

Theory X နဲ့ Theory Y ကို စတင်ဖော်ထုတ်ခဲ့သူကတော့ MIT မှ လူမှုရေးရာစိတ်ပညာရှင် ဒေါက်ကလပ်စ် မတ်ဂရော်ဂျာဖြစ်ပါတယ်။ သူက လူတွေရဲ့ Motivation နဲ့ ပါတ်သတ်လို့ ဆန့်ကျင်ဘက် အယူအဆနှစ်ခုဖြစ်တဲ့ အဆိုပါ သီအိုရီ နှစ်ခုကို ၁၉၆၀ မှာ စတင်ရေးသားခဲ့တာပါ။ အဆိုပါ သီအိုရီများဟာ မန်နေဂျာတစ်ယောက်က သူ့ရဲ့ ၀န်ထမ်းတွေ လုပ်ငန်းခွင်ကို ဘယ်လိုသဘောထားသလဲဆိုတာဟာ သူ့ရဲ့ စီမံခန့်ခွဲပုံကို အကျိုးသက်ရောက်မှုရှိတယ်လို့ ဆိုပါတယ်။
Theory X မှာ ယူဆတာကတော့ ၀န်ထမ်းများဟာ တာဝန်မယူကြဘူး၊ စောင့်ကြည့်မယ့်သူမရှိရင် အလုပ်မှာပျင်းတယ်၊ မတွင်ကျယ်ဘူး။ ပြောဆိုမဲ့သူမရှိရင် ရေသာခိုအချောင်လိုက်တယ်။ စိတ်ဓာတ်တက်ကြွမှုမရှိဘဲ တိုးတက်ချင်စိတ်လဲမဲ့တယ်လို့ ဆိုပါတယ်။
ဒါကြောင့် အဲဒီလိုမျိုး အဖွဲ့အစည်းမျိုးဟာ အာဏာရှင်ဆန်ဆန်အုပ်ချုပ်မှုမျိုး (Authoritarian Management) နဲ့ အုပ်ချုပ်ဖို့ လိုအပ်ပြီး လုပ်ငန်းအဆင့် တခုစီတိုင်းမှာ ကြီးကြပ်ဖို့အတွက် လူလိုပါတယ်။
Theory Y ကျတော့ Theory X နဲ့ ပြောင်းပြန်ပါ။ Theory Y ရဲ့ အဆိုအရ ၀န်ထမ်းတွေဟာ တာဝန်ယူတတ်တယ်။ အဖွဲ့အစည်းရဲ့ ရည်မှန်းချက် ပြည့်မှီဖို့အတွက် မိမိကိုပေးထားတဲ့ တာဝန်တွေကို ကျေပွန်စွာ ထမ်းဆောင်ကြတယ်။ အထက်က အမိန့်ပေးမှ လုပ်တာမျိုးမဟုတ်ဘဲ မိမိဆန္ဒအလျောက်အစပြုလုပ်ဆောင်တတ်
တယ်။ ဆန်းသစ်တီထွင်တဲ့ နည်းလမ်းတွေစဉ်းစားပြီးတော့ ကြုံတွေ့တဲ့ ပြဿနာတွေကို ဖြေရှင်းတတ်ကြတယ်။ ဒါကြောင့် Y-type အဖွဲ့အစည်းမျိုးမှာတော့ အားလုံးပါဝင်တဲ့ စီမံခန့်ခွဲမှုပုံစံ (Participative Management) နဲ့ အံဝင်ခွင်ကျ ဖြစ်ကြပါတယ်။
Theory X စီမံခန့်ခွဲပုံဟာ တခြားသော စီမံခန့်ခွဲနည်းများထက်စာရင် နိမ့်ကျပေမဲ့ အလွန်ကြီးမားတဲ့ Large Scale Operation လုပ်ငန်းမျိုးနဲ့ ကျွမ်းကျင်မှုလိုနေသေးတဲ့ ကုန်ထုတ်လုပ်ငန်းမျိုးတွေမှာ အသုံးချလို့ရနိုင်ပါတယ်။
Theory Y စီမံခန့်ခွဲမှုမျိုးကတော့ ဦးနှောက်နဲ့အလုပ်လုပ်ရတဲ့ ပညာရပ်ပိုင်းဆိုင်ရာလုပ်ငန်း နဲ့ အကြံပေးဝန်ဆောင်မှုလုပ်ငန်း စတာတွေမှာ လွန်စွာ အသုံးတည့်တာတွေ့ရပါတယ်။
ပြန်ချုံ့ပြီးပြောရရင်တော့ သင့်ရဲ့ ၀န်ထမ်းတွေမှာ Theory X သမားရော Theory Y သမားရော ရောမွှေပြီးပါနေမှာပါ။ ဒါကြောင့် တချို့မှာ Theory Y ပုံစံ စီမံခန့်ခွဲမှုနဲ့ အဆင်ပြေပြီး တချို့ကျတော့ Theory X ပုံစံ စီမံခန့်ခွဲမှုနဲ့ ကိုက်ညီနေတာကို တွေ့ရမှာဖြစ်လို့ နှစ်မျိုးစလုံး အလျင်းသင့်လို အသုံးပြုနိုင်ပါတယ်။

Edit - TYO